Amabwiriza ya Minisitiri agena imiterere y’amafaranga yishyurwa kuri serivisi zitangwa mu isoko rya karuboni mu Rwanda yashyizweho nyuma y’uko u Rwanda rwashyize umukono ku masezerano mpuzamahanga harimo aya UNFCCC n’ay’i Paris, kandi rwiyemeje kugabanya imyuka ihumanya ikirere ku buryo bufatika no gushyiraho ingamba zo guhangana n’ingaruka z’imihindagurikire y’Ibihe zigaragazwa muri gahunda y’ibikorwa Igihugu giteganya gukora hagamijwe kurwanya no guhangana n’ingaruka z’imihindagurikire y’Ibihe (NDC). 

Amabwiriza ya Minisitiri agena imiterere y’amafaranga yishyurwa kuri serivisi zitangwa mu isoko rya karuboni mu Rwanda aje gusobanura uburyo ko Leta y’u Rwanda yashyizeho bw’isoko rya karuboni mu gihugu bugamije koroshya kwitabira isoko rya karuboni buteganywa n’ingingo ya 6 y’amasezerano y’i Paris; Aya mabwiriza agamije gushyiraho imiterere y’amafaranga yishyurwa ku mishinga n’amasezerano y’isoko rya karuboni mu Rwanda, gukorera mu mucyo, kutabogama, n’uburambe mu miyoborere y’ibikorwa by’isoko rya karuboni. 

Muri aya mabwiriza kandi harimo ibiciro bya serivisi zijyanye n’isoko rya karuboni,hagamijwe guteza imbere ibidukikije ku buryo burambye, gukorera mu mucyo, ikizere, no kuzamura uburyo bunoze bwo kubahiriza ingamba zo kugabanya imyuka yangiza ikirere no gushimangira ubunyangamugayo mu bikorwa byo kugabanya imyuka ihumanya ikirere.

Ayandi makuru ku bikubiye muri aya mabwiriza ku buryo burambuye murayasanga: https://www.environment.gov.rw/fileadmin/user_upload/Moe/Publications/Ministerial_Orders_and_Instructions/Ministerial_Instructions_determining_the_fees_structure_of_Carbon_Market_in_Rwanda-1.pdf