![[Translate to Kinyarwanda:] MINICT Logo](/fileadmin/user_upload/minict_user_upload/Images/Logo/Coat_of_arms_of_Rwanda.svg){kind=logo}
Ishami rishinzwe Ibidukikije n’Imihindagurikire y’Ibihe
Ishami rishinzwe Ibidukikije n’Imihindagurikire y’Ibihe rifite inshingano zo gutegura no gukwirakwiza politiki, amategeko, ingamba, na gahunda bijyanye n’iterambere ry’ibidukikije, kurengera, kubungabunga no gusigasira ibidukikije, kugenzura ihumana ry’ ibidukikije, kugenzura imyanda, guteza imbere ubukungu bwisubira n’ubukungu bubungabunga ibidukikije, serivisi z’iteganyagihe n’imihindagurikire y’bihe, ndetse n’isoko rya karuboni.
Rinafite kandi inshingano zo gushyiraho ingamba zigamije guteza imbere ubufatanye no kongera ubushobozi urwego rw’abikorera kugirango rushore imari mu bikorwa biteza imbere ibidukikije, no mu bikorwa bya serivisi z’iteganyagihe n’imihindagurikire y’ibihe hagamijwe iterambere rirambye ry’ubukungu bw’igihugu.
Inshingano nyamukuru
1. Gutegura, guteza imbere, no gukwirakwiza politiki, amategeko, gahunda, n’ingamba bijyanye no kurengera ibidukikije, kubaka ubudahangarwa ku mihindagurikire y’ibihe, no guteza imbere servisi z’iteganyagihe.
2. Gushyiraho no gukurikirana ishyirwa mu bikorwa ry’amategeko, amabwiriza, n’ibipimo ngenderwaho bigamije kurengera no kurinda indiri karemano z’urusobe rw’ibinyabuzima no kubungabunga no gucunga urusobe rw’ibinyabuzima, no gukurirana uko amakuru y’itganyagihe atangwa n’imikoreshereze myiza yayo.
3. Kubaka no kuzamura ubushobozi bw’inzego n’abakozi mu bijyanye no kubungabunga ibidukikije, imihindagurikire y’ibihe, ndetse n’iteganyagihe, hagamijwe gushyigikira ishyirwa mu bikorwa rya politiki no guhanga udushya.
4. Gushaka, gukusanya no gucunga neza ingingo y’imari ikenewe mu bikorwa byo kubungabunga ibidukikije, kubaka ubudahangarwa ku mihindagurikire y’ibihe n’imishinga y’iterambere rirambye.
5. Guteza imbere ubufatanye hagati y'inzego za leta n’iz’abikorera no kongerera ubushobozi urwego rw’abikorera mu gushora imari mu mishinga y’iterambere rirambye, yita kumihindagurikire y’ibihe, kandi igabanya imyuka ihumanya ikirere.
6. Guhuza, gukurikirana, no gusuzuma ishyirwa mu bikorwa rya politiki, ingamba, na gahunda mu nzego zitandukanye za Leta, no gutanga ubujyanama hagamijwe kubahiriza no guhuza ibikorwa n’intego z’igihugu n’ amasezerano mpuzamahanga yasinywe ajyanye no kurengera ibidukikije.
7. Guteza imbere ubukungu burambye binyuze mu bikorwa by'ubukungu butangiza ibidukikije, hibandwa ku iterambere rigabanya imyuka ihumanya ikirere, gukoresha neza umutungo kamere, no kwimakaza amabwiriza y’imikorere myiza ibungabunga ibidukikije mu nzego zose
Ishami rishinzwe kubungabnga Ibidukikije no guhangana n’Imihindagurikire y’Ibihe
Ishami rishinzwe kubungabunga ibidukikije no guhangana n’imihindagurikire y’ibihe rifite inshingano zo kwemeza ko amategeko, politiki, ingamba na gahunda bijyanye no kurengera ibidukikije, guhangana n’imihindagurikire y’ikirere no kurwanya ihumana ry’ibidukikije bitegurwa kandi bigakwirakwizwa.
Bufite kandi inshingano yo gushyiraho ingamba zigamije guteza imbere ubufatanye no kongerera ubushobozi urwego rw’abikorera kugira ngo rushore imari mu bikorwa byo kubungabunga by’ibidukikije no guhangana n’imihindagurikire y’ibihe, hagamijwe iterambere rirambye ry’ubukungu.
Inshingano z’Ingenzi:
1. Gutegura, guteza imbere no gukwirakwiza politiki, ingamba na gahunda bijyanye kubungabunga ibidukikije, guhangana n’imihindagurikire y’ibihe n’ubumenyi bw’iteganyagihe.
2. Gushyiraho no gushyira mu bikorwa amategeko n’amabwiriza agamije kurengera ibidukikije, kugarura urusobe rw’ibinyabuzima kamere, kubungabunga ibinyabuzima bitandukanye no kwemeza itangwa ry’amakuru n’imibare by’iteganyagihe byizewe kandi by’ukuri.
3. Guteza imbere ubushobozi bw’inzego n’ubw’abakozi mu rwego kubungabunga rw’ibidukikije n’umutungo kamere.
4. Gushaka no gukusanya umutungo ukenewe mu guteza imbere, kurengera no kubungabunga ibidukikije, ndetse no gushyigikira ingamba zo kwihanganira no kugabanya ingaruka z’imihindagurikire y’ikirere.
5. Guteza imbere ubufatanye hagati ya Leta n’abikorera no kongerera ubushobozi urwego rw’abikorera gushora imari mu mishinga irengera ibidukikije kandi ihangana n’imihindagurikire y’ikirere.
6. Gukurikirana no gusuzuma, gutanga ubufasha ku nzego ziri mu nshingano z’Ubunyamabanga Bukuru hagamijwe kwemeza ishyirwa mu bikorwa rinoze no kwinjiza mu bikorwa politiki zijyanye no kubungabunga ibidukikije, ubumenyi bw’iteganyagihe no guhangana n’imihindagurikire y’ibihe